.jpg)
رواية احببت وكيل النائب العام الفصل الثالث عشر 13 بقلم اسماء عطا الله
#احببت وكيل النائب العام
البارت الثالث عشر
عند احمد كان وصل
بيتها ونزل وقف قدام العربيه وبيبص علي بلكونتها
اسماء كانت اتخنقت من العياط طلعت البلكونه واتصدمت لماشافت احمد واقف وساند بضهره علي عربيته ومربع ايده وباصص في الارض
دموعها نزلت تلقائي
واتكلمت وقالت ياتري ماما مش عاوزني اقابلك ليه
ودخلت بسرعه الاوضه اول ما حست ان باب اوضتها بيتفتح
وقعدت علي السرير ومسحت دموعها
ليلي:لسه بتعيطي
اسماء:مردتش
ليلي بقله حيله:خودي تليفونك اهوو انت حره اعملي اللي انتي عاوزه واللي تشوفيه صح عاوزه تقابليه قابليه انا واثقه ان عمرك ما تعملي حاجه غلط بس خليك عارفه ان وقت الجد انت هتندمي ومترجعيش تلموني عشان انا ماليش ذنب
اسماء:ماشي شكرا
ليلي:مش هتاكلي ماكلتيش حاجه من الصبح
اسماء:لا هنام
ليلي:طيب ماشي تصبحي علي خير وسابتها وطلعت
اسماء فتحت التليفون
شافت احمد متصل ومنه كمان اكتر من مره
اتصلت علي احمد
اسماء بهدوء:الو يا احمد
احمدبلهفه:مبترديش ليه
اسماء:تليفوني كان مع ماما
احمد:انت كويسه صح
اسماء:ايوا الحمدلله
احمد:الحمدلله
وراح يركب العربيه عشان يمشي
اسماء بخبث:هو انت فين كدا
احمد:تحت بيتك وماشي اهوو
اسماء:امممم شوفتك قولت اختبرك واشوفك هتكدب عليا ولا لا
احمد بضحكه:يعني نجحت في اول اختبار ليا كدا
اسماء:ايوا نجحت
احمد وهو بيبص لفونه:طيب انا هقفل دلوقتي عشان في رقم بيرن عليا من بدري
اسماء:طيب ماشي سلام
وقفلت معاه
احمد رد علي الرقم:الو
=احمد باشا بقا كدا والله واخد علي خاطري منك تلت سنين
مفكرتش تيجي وتزورني
احمد ببرود:المره الجايه انشاءالله يا سليم تكون واخد مؤبد
سليم:هههههههه قلبك قاسي اوووي ياباشا لو فيه مره جايه هتكون اعدام
احمد:عايز ايه يلاه
سليم: ولا حاجه بسأل عليك وعلي عمر وحشنييي اووي هو وياسمين
بس عاوز الصراحه ياسمين وحشتني اكتر
احمد بعصبيه:سلييييم
سليم ببرود:اهداء يا باشا صحتك دا انت لو جرالك حاجه في ناس كتيير هتزعل عشانك واولهم انا والله
احمد :اه ما انا عارف معزتي عندك
سليم:ربنا وحده يعلم بحبك قد ايه
احمد:سليم انا مش فايقلك اتلم وابعد عن عمر وياسمين وقفل التليفون
سليم بصوت عالي:فاااارس
فارس:في ايه يا سليم
سليم:سمعت ان احمد الانصاري في بنت بيحبها عاوزها
فاارس:لما نتأكد ان هو بيحبها الاول مش يمكن يكون بيتسلي بيها ومش هتفرق معاه
سليم:تؤتؤ مش احمد الانصاري
فارس:خلاص هراقبه واعرفها واجبيهالك هنا
سليم:هنروح لعمربيه بكرا اصله وحشني اووووي وكان داخل اوضته عشان ينام
فارس اتكلم وقال:مش ناوي تشوف ابوك وامك واختك بقالك 14 سنه مشوفتهمش ولاتعرف عنهم حاجه دا انت حتي اختك متعرفش ان ليها اخ وانت كمان لو شوفتها مش هتعرفها
سليم ببرود:والله هما اعتبروني ميت وانا كمان اعتبرتهم كدا
فارس:انت اللي غلطت يا سليم زمان لما اختارت انك تدمر حياتك عشان خاطر قاطعه
سليييم بحده:فااااارس اسكت
فارس:لا مش هسكت يا سليم اختارت انك تشتغل بطرق غير قانونيه وتنصب علي الناس كل دا عشان يبقا معاك فلوس وتعرف تتجوز ملك
واديك اهوو ولا اتجوزتها ولا غيره وخسرت اهلك ودخلت السجن تلت سنين
سليم قعد في الارض ودموعه خانته ونزلت وبنبره كلها وجع: عايرتني بفقري يا فاارس
فارس راح عليه وقومه:فوق لنفسك يا سليم وارجع لاهلك واختك
سليم بتحدي:لما اخد حقي من. احمد الانصاري الاول كان عاوز يخلص مني عشان السوق يبقا لاخوه لوحده
فااارس:ماشي بس خلي بالك احمد الانصاري مبيهزرش
سليم :ولا سليم مهران بيهزر
مين سليم دا بقا
سليم عنده 32 سنه يبقا اخوه بطلتنا طب ازاي واسماء عندها 18 سنه يعني بينهم وبين بعض 14 سنه
ليلي ومحمد كانوا ولاد عم واتجوزا وهما في الجامعه وخلفوا سليم وبعد فتره كبيره خلفوا اسماء
المهم ان سليم كان بيحب ملك زميلته في الجامعه
وفي يوم من13سنه
ملك:سليم انا في واحد متقدملي وهوافق عليه
سليم بعصبيه:يعني ايه يعني
ملك: والله يا سليم انا مش هفضل قاعده جمبك ومستنيه انا ماما كل يوم تقولي خليكي قاعده لحد ما تبوري وبصراحه معاها
سليم:تبوري احنا لسه في اول سنه لينا في الجامعه
ملك:بصراحه كدا يا سليم انت مش هتناسبني انت لسه قدامك يامه علي ما تتخرج وتلاقي شغل وشقه وانا صحابي كلهم اتخطبوا وهيتجوزوا
سليم:ماشي براحتك بس وحيات الحب اللي انا حبتهولك لاخليكي تندمي عليا طول عمرك
وسابها ومشي
وبعدين اللي حصل ان سليم قرر يشتغل وهو في الجامعه وفعلا اشتغل وبدأ يشتغل بطرق غير قانونيه نصب واحتيال علي الناس لحد ما بقا مليونير وهو في سنه تانيه جامعه
ولما والده عرف:طرده من البيت
ليلي بعياط واسماء نايمه علي رجليها طفله عندها4 سنين:ليه بس كدا يا محمد حرام عليك
محمد بعصبيه:الصايع دا تعتبريه مات يلا قومي جهزي الشنط هنروح نعيش عند اخويا في اسكندريه
ليلي:لا انا هفضل عايشه هنا في القاهرة انا مش هسيب ابني
محمد:وهو بياخد اسماء منها يبقا خلاص خليكي مع ابنك الصايع وسيبي بنتك هتعيش معايا انا مش هسمح انها تعرف بإن ليها اخ نصاب وحرامي بيضحك علي الناس
ليلي بعياط:خلاص يا محمد انا هاجي معاك اسكندريه
وقامت جهزت الشنط وسافروا
وعاشت اسماء حياتها علي اساس انها وحيده ابوها وامها ومالهاش اخوات
ومن تلت سنين
ليلي:محمد سليم دخل السجن ومش هيعرف يوصل لاسماء انا عاوزه ارجع القاهره
محمد:دخل السجن
ليلي:ايوا انا عاوزه ارجع القاهره انا مش مرتاحه هنا
محمد:ماشي هنرجع ولا انا كمان مرتاح هنا
ورجعوا تاني القاهره
واسماء ولا تعرف ان ليها اخ ولا اي حاجه
نرجع بقا تاني
عند احمد كان وصل القصر
شاف ياسمين واقفه في الجنينه راح عليها واتكلم بجديه:متطلعيش من البيت من غير حراسه
ياسمين:ليه في حاجه
احمد:لا مفيش
ياسمين:طيب ماشي كنت عاوزه اقولك حاجه
احمد:هاااا قولي
ياسمين:سليم طلع وانا خايفه منه
احمد:خايفه منه ليه مالكيش حد يحميكي وبعدين اللي بيني وبين سليم ميخصكيش فا مفيش داعي انك تخافي
ياسمين:لا ما انا خايفه عشانك وعشان عمر
احمد:اطمني وسابها ومشي
ياسمين:راحت وراءه ومسكته من ايده
انت لسه زعلان مني انا اسفه
وعيونها كلها دموع
احمد: ايه دا هو انت بتحسي زينا كدا عادي
ياسمين:احمد ممكن نرجع اخوات زي الاول وتسامحني انا عارفه اني استفزيتك كتير انا اسفه متزعلش مني
احمد بحب اخوي باسها من دماغها عمري ما ازعل منك واعتذارك مقبول
ياسمين:شكراً يا باشا
احمد:انا هطلع انام بقا
ياسمين:تصبح علي خير
احمد:وانت من اهله
وسابها وطلع
مريم كانت واقفه بتراقبهم بهدوء وراحت علي ياسمين
واتكلمت وقالت عروستناسهرانه ليه لحد دلوقتي مش هتنامي
ياسمين:لا هطلع انام دلوقتي وطلعت مريم وياسمين
ياسمين:طنط مريم ما تيجي تنامي معايا
عمر من وراها:دا انت استحلتيها بقا كل يوم تعالي نامي معايا
وكمل بهزار وغمزه ماجيش انام معاكي انا
ياسمين:طنط مريم متزعليش مني ابنك دا قليل الادب
ودخلت اوضتها وقفلت بسرعه
عمر من برااا كلها اسبوع وهيتقفل علينا باب واحد
مريم ضربته في كتفه:بس يا عمر ليه تكسفها كدا
عمر:احممم بعد اذنك بقا يا ماما عشان انا تعبان جدااا ومحتاج انام
مريم: ماشي تصبح علي خير
عمر:وانت من اهله
وكل واحد دخل اوضته ونام
في صباح يوم جديد
في بيت اسماء
ليلي ومحمد طالعين رايحين الشغل قابلتهم منه علي الباب
محمد:في حاجه ولا ايه يا منه جاي من بدري كدا
منه:لا مفيش حاجه بس كنت عاوزه اسماء
ليلي: جواا في اوضتها ادخليلها
منه:ماشي شكرا
ودخلت منه ومشي ليلي ومحمد
اسماء شافت منه
اسماء:عايزه ايه مش كفايه اللي حصل بسببك امبارح
منه بعياط:والله انت فاهمه غلط
ماما هي اللي ردت علي مامتك وقالتلها ان انا في البيت
اسماء:اطلعي يا منه برااا ومالكيش دعوه بيا
منه:لا مش طالعه انا ماليش ذنب في اللي حصل
وراحت عليها هي ضربتك امبارح
اسماء حضنت منه وعيطت
اسماءبعياط:ايوا ضربتني و كمان قعدت تقولي كلام مش مفهوم وقت الجد هتندمي ومترجعيش تلموني انا ماليش ذنب انا مش فاهمه هي بتعمل كدا ليه
منه بعياط:انا اسفه والله يا اسماء انا السبب متزعليش مني
اسماء:انا مش زعلانه يا منه انا بس عاوزه افهم في ايه ماما مخبيه عليا ايه
منه:انشاءالله خير متقلقيش
اسماء:يارب يا منه
في شركه سيف الانصاري
تحديداً في مكتب عمر
السكرتيره بتوتر:عمر بيه
عمروهو مركز في اللاب توب
في ايه
السكرتيره:سليم برااا وعاوز يدخل لحضرتك
عمر ببرود:دخليه
اىسكرتيره:حاضرر وطلعت اتفضل يا سليم بيه
سليم بابتسامه: طب والله وحشني يا عمر كدا تلت سنين متسألش عليا
عمر:المره الجايه تكون واخد مؤبد ولا حاجه
سليم:لو في مره جايه هتكون اعدام
بس يا اخي مش عارف هي عقوبه اللي يقتل وكيل نيابه
متسألنا احمد باشا كداا
عمر راح عليه بعصبيه ومسكه من هدومه انت بتقول ايه والله ما يكفيني اهلك بحالهم
سليم بمسكنه:هما فين اهلي دول دا انا مقطوع من شجره
عمر بهمس:اه ما انا عارف باماره ماهما متبرين منك ومانعينك تشوف اختك من وقت ما كان عندها اربع سنين
بس ايه يا سليم لو شفتها دلوقتي قمررر
#يتبع....
معلش طلب ادعوا لاخويا ربنا يشفيه
